ERAKUSKETAK
otsaila 2010
Guggenheim Bilbao Bildumaren aukeraketak I 2010.02.16 - 2011.03.13 Erakusketa hau hiru urtetako ziklo baten lehena izan zen. Ziklo horretan Guggenheim Bilbao Museoaren funtsak ikusgai jarri ziren; hain zuzen, lanik garrantzitsuenak azaldu ziren. Lehenengo erakusketa honetan 1950eko eta 1970eko hamarka arteko lanei arreta jarri zitzaien; horretarako, sortze-data aintzat hartuta Guggenheim Bildumaren lehen lana denetik abiatuko zen erakusketa: Mark Rothko-ren Titulurik gabea, 1952–53. Alde batetik, New Yorkeko Eskolako artisten jardunean sakondu zuen, eta, bestetik, beste artista estatubatuarren beranduagoko lanei so egin zien; azken artista horiek, hala nola, Cy Twombly-k, Robert Rauschenberg-ek eta Andy Warhol-ek, Europarekin eta garai hartako Europako artistekin —Yves Klein-ekin, Antonio Saurarekin eta Jorge Oteiza eta Eduardo Chillida euskal eskultoreekin, esaterako— harremanetan izan ziren. Horrez gain, erakusketa ikusgai zenean Guggenheim Bilbao Bilduma sakonki aztertzen duen lehen liburua argitaratu zen.
